Avqust ayında biri Günəş, digəri isə Ay olmaqla iki tutulma baş verəcək. Astrologiyada tutulmalar bir dövrün başa çatması və yeni mərhələnin başlaması ilə əlaqələndirilir. Günəş tutulması əsasən yeni başlanğıcları, Ay tutulması isə tamamlanan prosesləri simvolizə edir.
Bizim.Media xəbər verir ki, 12 avqustda baş verəcək Günəş tutulması bütün bürclərin həyatında fərqli sahələri ön plana çıxaracaq. Astroloqların fikrincə, bu təsirlər qarşıdakı il yarım ərzində özünü göstərə bilər.
Qoç
Qoçlar üçün yeni dövr sevgi, yaradıcılıq, hobbilər, gözəllik, romantik münasibətlər, uşaqlar və bizneslə bağlı olacaq. Yeni tanışlıqlar, romantik münasibətin başlanması, xarici görünüşdə dəyişiklik, yaradıcılıq sahəsində uğur və yeni biznes ideyalarının ortaya çıxması mümkündür.
Bu dövrdə özünüzü yaradıcılığa, istirahətə və şəxsi xoşbəxtliyinizə həsr etmək faydalı olacaq.
Buğa
Buğaların gündəmində ailə, ev və daşınmaz əmlak məsələləri dayanacaq. Təmir, tikinti, ev almaq və ya satmaq, ipoteka, köç və hətta ölkə dəyişmək kimi məsələlər gündəmə gələ bilər.
Valideynlərlə münasibətlər və onların həyatında baş verən hadisələr də mühüm rol oynayacaq. Yaşayış şəraitini dəyişmək və özünüz üçün daha rahat mühit yaratmaq üçün əlverişli dövr başlayır.
Əkizlər
Əkizləri yeni tanışlıqlar, səfərlər, təhsil və sənədlərlə bağlı məsələlər gözləyir. Ticarət, yeni sövdələşmələr və işgüzar səfərlər də gündəmdə ola bilər.
Qohumlarla, xüsusilə bacı-qardaşlarla münasibətlərdə dəyişikliklər mümkündür. Yeni bilik və bacarıqlar əldə etmək, əlaqələr dairəsini genişləndirmək üçün yaxşı zamandır.
Xərçəng
Xərçənglər üçün əsas mövzu maliyyə olacaq. Yeni gəlir mənbəyinin yaranması, investisiyalardan qazanc, bahalı alış-veriş və hədiyyələr, eləcə də öz əməyinizin və xidmətlərinizin dəyərinə yenidən baxmaq ehtimalı var.
Maddi vəziyyəti yaxşılaşdırmaq üçün imkanlar artsa da, böyük xərclərdən də ehtiyatlı olmaq lazımdır.
Şir
Şirlər üçün bu tutulma xüsusilə əhəmiyyətlidir. Qarşıdakı il yarım ərzində bürcünüzdə tutulmalar silsiləsi başlayır.
Həyatınızda köklü dəyişikliklər baş verə bilər: yeni münasibət, nikah, övlad, köç, iş dəyişikliyi, xarici görünüşün yenilənməsi və ya yeni həyat istiqamətinin seçilməsi.
Qarşınıza çıxan imkanları dəyərləndirmək və məqsədlərinizə doğru aktiv şəkildə irəliləmək üçün əlverişli dövrdür.
Qız
Qızlar üçün daxili aləmə yönəlmək, keçmişlə hesablaşmaq və həyatdakı artıq yükdən azad olmaq dövrü başlayır.
Tənhalığa ehtiyac, psixologiya, fəlsəfə, meditasiya və mənəvi axtarışlara maraq arta bilər. Zərərli vərdişlərdən qurtulmaq və həyatınızı yenidən nəzərdən keçirmək üçün münasib zamandır.
Tərəzi
Tərəzilər üçün dostlar, sosial çevrə, həmfikirlər və gələcək planlar əsas mövzu olacaq. Yeni dostluqların yaranması, köhnə münasibətlərin sona çatması və yeni sosial çevrəyə daxil olmaq mümkündür.
Dostlar vasitəsilə romantik tanışlıq da istisna edilmir. Aktiv sosial həyat yeni və faydalı əlaqələrin yaranmasına səbəb ola bilər.
Əqrəb
Əqrəblərin diqqəti karyera və peşəkar fəaliyyətə yönələcək. İş dəyişikliyi, vəzifədə yüksəlmə, işdən ayrılma və ya yeni peşəyə keçid mümkündür.
Şəxsi həyatda baş verən nikah, boşanma və digər mühüm hadisələr də sosial statusa təsir göstərə bilər. Qarşıdakı dövrdə peşəkar gələcəyinizi müəyyənləşdirmək vacib olacaq.
Oxatan
Oxatanlar üçün xarici ölkələr, səyahətlər, təhsil və yeni dünyagörüşü ilə bağlı hadisələr ön plana çıxacaq.
Universitetə qəbul, kitab nəşri, məhkəmə prosesi, xaricə səfər, dil öyrənmək, viza və yaşayış icazəsi almaq, xarici şirkətlərlə əməkdaşlıq və əcnəbilərlə yeni əlaqələr mümkündür.
Bu proseslər dünyagörüşünüzün əhəmiyyətli dərəcədə dəyişməsinə səbəb ola bilər.
Oğlaq
Oğlaqlar üçün digər insanların və təşkilatların maliyyəsi ilə bağlı məsələlər aktuallaşacaq. Kreditlər, investisiyalar, vergilər, sosial ödənişlər, pensiyalar, depozitlər, vərəsəlik və əmlak bölgüsü gündəmə gələ bilər.
Maliyyə məsələlərində gözlənilməz dəyişikliklər mümkündür. Buna görə də qarşıdakı dövr üçün maliyyə ehtiyatının olması faydalıdır.
Dolça
Dolçaların həyatında münasibətlər ön plana çıxacaq. Evlilik və ya münasibət təklifi, birlikdə yaşamaq qərarı, nikah, boşanma və ayrılıq kimi hadisələr mümkündür.
İşgüzar tərəfdaşlıq, mühüm danışıqlar və yeni tanışlıqlar da həyatınızın istiqamətinə təsir edə bilər. Bu dövrdə ətrafınızdakı insanları diqqətlə seçmək xüsusilə vacibdir.
Balıqlar
Balıqlar üçün qarşıdakı il yarım iş, sağlamlıq və gündəlik həyatla bağlı məsələləri ön plana çıxaracaq.
İş yerində dəyişiklik, vəzifə artımı və ya işdən çıxma, iş kollektivinin yenilənməsi mümkündür. İdman, qidalanma, yuxu və gündəlik rejimə də daha çox diqqət yetirmək lazım gələcək.
Bu dövrdə sağlamlıqla bağlı problemlərin mütləq ortaya çıxacağı düşünülməməlidir. Əksinə, bədəninizin hansı siqnallarına diqqət yetirməli olduğunuzu anlamaq üçün bir fürsət yarana bilər.
Astroloji yanaşmaya görə, tutulmalar həyatımızda diqqət mərkəzlərini dəyişir və yeni mərhələlərin başlanmasına şərait yaradır. 12 avqust Günəş tutulması da müxtəlif bürclər üçün fərqli istiqamətlərdə dəyişikliklərin başlanğıcı ola bilər.
Bizim.Media
