Xəbər verdiyimiz kimi, Bakıda 19 yaşlı Ağdaş sakini Yusuf Mehmet oğlu Atalay və 14 yaşlı Yevlax sakini Təranə Mədxun qızı Bəkirova Xətai rayonunda kirayədə yaşadıqları evin hamam otağında dəm qazından zəhərləniblər.
MÖVZU İLƏ BAĞLI:
Bakıda FACİƏ: 14 yaşlı qızla 19 yaşlı oğlan hamamda zəhərləndi
Yusuf Atalay hadisə yerində dünyasını dəyişib, Təranə Bəkirovanın vəziyyəti isə ağırdır.
TƏBİB-dən Bizim.Media-nın sorğusuna cavab olaraq bildirilib ki, dəm qazından boğulan Təranə Bəkirova tibbi xidmətin göstərilməsindən imtina edib:
“28.04.2026-cı il tarixində saat 21:50 radələrində 2012-ci il təvəllüdlü şəxs (qadın) Kliniki Tibbi Mərkəzin Toksikologiya şöbəsinə hospitalizasiya olunub. Ona dəm qazının toksiki təsiri diaqnozu təyin edilib və ilkin tibbi xidmətlər göstərilib. İxtisaslı tibbi xidmətin göstərilməsindən imtina edilib”.
Faktla bağlı rayon prokurorluğunda araşdırma aparılır.
Naibə Məmmədova, Bizim.Media
