Cənublu soydaşlarımızdan “Arazı ayırdılar” trendi - Video

Bu gün İranın bir çox şəhərlərində insanlar pəncərələrdən “Azərbaycan bir olsun, istəməyən kor olsun” şüarları səsləndirərək Azərbaycana həmrəyliklərini bildiriblər.

Bizim.Media xəbər verir ki, soydaşlarımız həm də “Arazı ayırdılar” trendi başladıblar.

Belə ki, onlar müxtəlif şəhərlərdən “Arazı ayırdılar” misralarını səsləndirərək trendə qoşulublar.

Xatırladaq ki, Türkiyə prezidenti Ərdoğanın Bakıdakı Zəfər Paradında Bəxtiyar Vahabzadənin “Torpaqdan pay olmaz” şeirindən Araz çayının adı keçən misraları səsləndirməsi İran rəsmiləri tərəfindən xoş qarşılanmayıb və Türkiyə tərəfə sərt ifadələr səslənib.

Qeyd edək ki, cənubi azərbaycanlılar öz milli mənafelərini ortaya qoyaraq dəfələrlə bu kimi mövzularda, eyni zamanda “Qarabağ Azərbaycandır” aksiyalarında da fəal iştirak ediblər.

Bizim.Media