Yurd ağısı...

 60-cı illərdə Biləsuvar rayonunda, Kirov adına kolxozda pambıq yığımında Bəhriş kişini tanımayan yox idi. Bu kişi o qədər səbirli adam idi ki, onu heç cür hövsələdən çıxarmaq olmurdu. Hətta, bir dəfə briqadir onun qıçlarına ağacla o qədəq vurmuşdu, o qədər vurmuşdu ki”¦. Bəhriş kişi isə başını astaca qaldırıb briqadirə, “Vur, vur, hələ qızışmamışam” demişdi”¦

 Başına it zülmü açılan, haqqı addımbaşı tapdalanan, amma, hələ də ”žqızışmayan“ yazıq, bədbəxt günə qoyulmuş xalqım heyyyyy...

Savadsız Universitetlərim heyyy... 

Sovet dönəmində cəmi bir Universitetimiz vardı, qalanları institutlar idi. Amma, kimin həddi nə idi, oxumamış hansısa ali məktəbə qəbul olsun. Doğrudur, əyrı yollarla ali məktəbə qəbul olmaq, oxumaq da mümkün idi, amma, bu o qədər azdı ki, insanların yüksək savadlılıq səviyyəsinə cüzi təsir edirdi. Amma indi savad şərt deyil, qəti şərt deyil.  Belə olsaydı, abituriyentlərin yarıdan çoxu savadsız olmazdı.  Hüquqşunas - təhsil naziri, tarixçi  ekologiya naziri postunu tutmazdı  ki...

İndi yuxarıdan gələn qeyri-rəsmi göstərişə hər an əməl edilməlidir: hamı savadsız olmalıdır, çünki, savadsız kütləni idarə etmək daha asandır. İkincisi, cüzi istisnalarla, lap istəyirsən dahi Albert Eynşteyn ol, xeyri yoxdur, təki, pulun vaxtında çatsın. Tanışımın oğlu İqtisad Universitetini bitirib. Milli Məclisin Elm və Təhsil Komitəsinin sədri, özünü prezidentin əsgəri hesab edən, dünənəcən Şəmsəddin Hacıyevin rəhbərlik etdiyi İqtisad Universitetində diplomunu vermirldiər ki, 5 min manat verməlisən. Yazıq ata 3000 manat aparıb, deyiblər, mümkün deyil, 5000 min manat çatmasa, Əzrayıl da gəlsə, xeyri yoxdur. Deyirəm, a kişi, bir ərizə ver, dur qırağa,səndən bu pulu istəyənlərin ciyərini çıxaraq. Nə faydası, yazıq ata cürət eləmir, nədənsə qorxur, bu relimə qarşı getməyə cürəti çatmır.

Ah, özünü kölə gününə salmış xalqım heyyy...

Övladlarının namusu itirilən xalqım heyyy...

Emin və Nigar Əhmdbəyovalar uzun müddət indi ancaq adı qalmış Bakıda xoşbəxt yaşamışdılar. Emin Daxili İşlər Nazirliyində polis mayoru, xanımı Nigar da bu sistemdə kapitan rütbəsində həkim işləmişlər. Bədbəxtçilik ondan başlamışdır ki, 2 uşaq anası, cavan, yaraşıqlı xanım xatın Nigar xanımın rəisi ona, göz verib, işıq verməmişdir... Bunu bilən, qeyrətini paqonundan yüksək tutan Emin bəy azğınlaşmış rəisi yerində oturtmuş, dərsini vermişdi. Nəticədə... polisdə işini itirmişdir. Yerli məhkəmələrdə hüquqlarını bərpa edə bilməmiş və Azərbaycan tarixində ilk dəfə polis zabiti kimi Avropa Məhkəməsinə üz tutmuşdur. Yalnız bundan sonra nazirlə görüşmüş, işinə bərpa edilməmiş, sadəcə, yenidən işə qəbul edilmişdir. Bununla razılaşmayan Emin bəy yenidən Avropa Məhkəməsinə üz tutmuş, bununla da nazirliyin qəzəbinə tuş gəlib və şərlənərək sifarişli məhkəmələrin hökmü ilə 3 il azadlıqdan məhrum edilmişdir. Ərinin qanunsuz həbsi ilə razılaşmayan kapitan Nigar xanım bütün təqiblərə, hədələrə baxmayaraq cəsarətlə onun azad edilməsi üçün mübarizə aparmış, mətbuat konfransları keçirmiş, KİV vasitəsilə cəsarətli  bəyanatlar vermişdir.  Və nəticədə, analıq məzuniyyətində ola-ola qanunsuz işdən çıxarılmışdır”¦ Həbsdən çıxan kimi Əhmədbəyovlar qocalı-uşaqlı ölkəni tərk edərək Ukraynaya sığınmış, doğma ocaqlarından didərgin düşmüşlər.

Ailəsinin namusunu vətənində qoruya bilməyən, qızları, gəlinləri Türkiyədə, Dubayda faciəvi həyat yaşayan xalqımın namusu heyyy...

”žSərxoşlara“  qalmış səhiyyəm heyyy...

Cənub regionundan olan köhnə dostum yaxın qohumunun mədəaltı vəzisindəki dəki ağrıdan əziyyət çəkdiyini, Bakıda yaxşı bir mütəxəssis axtarmağı məndən xahiş etmişdi. Araşdırdıq və bu sahədə Surxay professorun ən gözəl mütəxəssis olduğunu məsləhət gördülər. Tanışım qohumunu götürüb Surxay professorun yanına, Bakı şəhərindəki 5 nömrəli xəstəxanaya gəldi. Surxay professor bəri başdan ondan 2 min manat “zəhmət haqqı” aldı. Xəstəni bir dəfə əməliyyat elədi, iki dəfə əməliyyat elədi, üç dəfə əməliyyat elədi, nəhayət, dördüncü dəfə əməliyyat elədi və xərəkdə çölə çıxartdı ki, cavan oğlan gedib evində... rahat ölsun. Azərbaycanda 5800 manat xərci batan tanışım İranın bir əyalətində - Ənzəlidə 1 ay yatan xəstəyə 1600 dollar xərc çəkdi və onu tam sağaldıb ailəsinə qovuşdurdu. Tanışıma məsləhət gördüm ki, ”Səhiyyə nazirliyini ver məhkəməyə, təzminat al, onlara dərs olsun, camaatı qırmasınlar”. Ehtiyat etdi, vermədi, çünki, fikirləşdi ki, bir bəhanə ilə yaxıınını həkimlikdən çıxaracaqrlar.

Başsız, ”žsərxoşların“ ümidinə buraxılmış səhiyyəm, canına qorxu dolmuş, yiyəsiz qırılan xalqım heyyy....

Zindanlarda çürüyən igidlərim heyyy...

22 ildir indiki iqtidar özlüyündə, guya  Azərbaycanda seçkilər keçirir, büdcə pullarını göyə sovurur Kaş heç belə yalanpıçı seçkilər keçirilməyəydi, əski parçasına çevirdikləri ”žAna yasa“da da real vəziyyəti əks etdirən ”Azərbaycanda monarxiya qurluşudur” yazılaydı . Özləri bülletenləri seçki qutularına dürtüşdürür, özləri də ordan dartıb çıxarır.  Pulla satın alınmış seçki məntəqə üzvlərinin, müəllimlərin gözü qarşısında nəticələri ”ždüz-qoş“ edirlər. Bizdə, guya  dubinka gücünə olsa da belə, ”sabitli”yin tərəfdarı olan beynəlxalq birliklər, ölkəmizə sağmal inək kimi baxan xarici dövlətlər adını eşidib, ancaq, üzünü görmədiyimiz qara “ikra”nı gözünə təpə-təpə “Azərbaycan demokratiyaya doğru daha bir addım atdı” deyəcəklər. Qardaş dediiymiz, amma bitib tükənməyən zülmümüzə biganə qalan, saxta seçkiləri tanımağa ilk can atan, ”žƏdalət“ partiyası tərəfindən idarə olunsa, da ədalətdən uzaq, “səmimi təbrikləri”ni gözümüzə soxan Türkiyə növbəti dəfə də xəncərini kürəyimizə saplayacaq. Gözünü heç nə doydurmayan bu rejimin törətdiyi cinayətlərlə barışmayan, əzilən, alçaldılan xalqının haqları uğrunda bərabər olmayan döyüşə girmiş oğullar da şərlənərək həbs ediləcək, sifarişli məhkəmələr vasitəsilə günahsız yerə uzun müddətə azadlıqdan məhrum ediləcəkrlər.

Xalqının işıqlı gələcəyi uğrunda vuruşan igidlərim, siyasi məhbuslarım - Qurbanım, Tofiqim, İlqarım, Anarım, Əvəzim, Nemətim, Pərvizim, Yadigarım, Taleyim, Abgülüm, Mövsümüm, Sərdarım, Rəşadım, Hilalım, Əbdülüm, Bəxtiyarım, Məmmədim, Rəşadım, Şahinim, Üzeyirim, Zaurum, Rəşadətim, Nicatım, İlkinim, Ömərim, 145 günahsız balalarım, ciyər paralarım, heyyy...

Leylanın “pipi”sinə dəyməyən süfrə pişiklərim heyyy...

Bu günlərin acı hadisələrindən biri - cəsarətli hüquq müdafiəçisi Leyla Yunusun təqib və təhdid edilməsi oldu. Həyat yoldaşı ilə xaricə tədbirə gedən Leyla xanım millətin gözü qabağında işgəncələrə məruz qaldı, polisin adına yaraşmayan, mundirinə ləkə gətirən özbaşınalığı ilə üzləşdi. İş o həddə çatdı ki, xəstə, yaşlı xanımı Azərbaycan kişisinə yaraşmayan formada, ayaqyolunda belə izlədilər, təqib etdilər. Şahın süfrəsinin pişiyinə çevrilmiş birisi bu hadisəni Leylanın adından belə qələmə alır: ” Mən tumanımı aşağı salıb unitaza oturmuşdum, “pipi” eləmək istəyirdim, o isə mənə baxirdı.” Daha sonra süfrə pişiyi yazır ki, ” Açığına qalsa, şəxsən mən polis əməkdaşının 60 yaşlı Leyla Yunusun tumanının altındakı nəsnəyə baxmaq üçün sinov getdiyinə inanmıram”.

 Əvvəla, öz xanımının namusunu qoruyan birisi ağalarına xoş gəlmək üçün başqasının xanımının haqqında belə ləyaqətsiz sözlər işlətməz. Fikirləşər ki, bir gün gələr, onun da xanımının tumanının altındakı nəsnəyə baxan tapılar. Bir də ki, başqasının süfrəsinin pişiyi olmaqdansa, Leyla xanım kimi öz süfrəsinin şiri olmaq daha yaxşı deyilmi?

Azərbaycan kişisinin uca adına, eləcə də Leyla xanımın “pipisi”nə belə layiq olmayan, yoğun bağırsağı görünən, süfrə pişiklərinə çevrilənl vətən ”ždaşlarım“ heyyy...

Halalı-haramına qarışmış Vətənim heyyy.....

Nazirliyinin zorla tələb etdiyi rüşvəti onlara aparan birisi nəql edir ki, rüşvəti nazirliyin məsul əməkdaşına çatdıran kimi o, saymağa başladı. Pulu sayıb qurtarandan sonra dilim dinc durmadı və soruşdum: heç qorxmursunuz, iki addımlığınızda Milli Təhlükəsizlik Nazirliyi ola-ola belə rüşvət alırsınız? Pulu qaytardı ki, apar nömrələtdir gətir.

Başı rüşvətə qarışmış, sifarişlə insanları zindanlara dolduran, yalançı hüquq mühafizə orqanlarının ümidinə qalmış Vətən heyyy...

Sərvətləri pay-püş edilən xalqım heyyy...

Azərbaycanda prezident seçkiləri ərəfəsində hələ ki, dünyada heç kəsin gücü çatmayan diktator Putinin bir barmaq işarəsi ilə Rusiyada “güya” azərbaycanlıların hüquqlarını müdafiə edəcəkə Əslində isə, öz xalqına qənim kəsilən iqtidara “xox” gəlmək üçün “Milyarderlər İttifaqı” deyilən təşkilat yaradıldı. Heç vaxt siyasi proseslərdə iştirak etməyən milyonçular indi Ukrayna kimi sülhsevər bir dövlətin ərazisini işğal edən Putinin əməllərinə haqq qazandıran A.Abbasovun timsalında müxtəlif tip bəyanatlar verməyə başladılar. Çox keçmədi, rəhbərlik etdiyi bütün 147 milyonluq rus xalqını, keçmiş sovetlər birliyini, o cümlədən, Azərbaycanı barmağına dolayan Putin seçkiqabağı ərəfədə topla-tüfənglə Azərbaycanın üstünə hərbi gəmilərlə yeridi. Əlbəttə, buna qətiyyən dost səfəri demək olmazdı. Çünki, bir ölkənin başçısı müstəqil hesab edilən başqa bir ölkəyə çoxlu sayda hərbi gəmilərlə, vertolyotlarla, seçkiqabağı təhdidlərlə aşağılayıcı formada heç vaxt hücum çəkməz. Burada da özünü “xozeyin” kimi aparmağı bacaran qoçubaşı Putin gedəndə də təmtəraqlı yola salındı.

Rəhbərləri və qəsbkarlar tərəfindən sərvətləri talan edilən, varı-dövləti karvan dolu hərbi gəmilərə doldurulub uzaqlara daşınıan, özü isə bu gəmilərin arxasınca baxa-baxa qalan, aç-yalavac, səfil günündə yaşayan xalqım heyyy...

Yazıya P.S olaraq

Qürür duyduğum insanlar...

Təxminən 3 ay bundan əvvəl keçmiş səhiyyə naziri Əli İnsanov haqqında bir yazı yazmışdım. Əvvəldən də bilirdim ki, bu yazının mahiyyətini başa düşməyib məni qınayanlar da olacaq, elə də oldu. Baxmayaraq ki, indiki cəllad rejim tərəfindən evindən-ocağından didərgin salınmış Emin bəy və Nigaq xanım kimi gözəl insanlar müvəqqəti sığınacaq tapdıları Ukraynadan, doğma vətənindən, dost- tanışlarından ayrı salınmış, siyasi mövqeyinə görə Bakı Dövlət Universiteti müəllimliyindən xaric edilmiş, əslində ölkənin ən samballı, gələcəyin Ədliyyə Naziri olmağa layiq Ataxan Əbilovdan, vaxtilə bütün tələbələrinin sevimlisi, BDU-nun beynəlxalq hüquq fakültəsinin dekanı olmuş, savadlı, saxta ittihamlarla ölkədən çıxarılmış gözəl, saf insan, Lüksenburqda səhhəti ilə əlləşən Sədiyar Zeynalovdan, onlarla başqalarından təşəkkür aldım.

 Boyunuza qamış ölçüm...

Bununla bərabər, əllərindən bir şey gəlməyən, hər şeyə ”žmız“ qoymağı özünə şakər edən, hakimiyyətin qorxusundan səsini hündürdən çıxarmağa cəsarəti çatmayanlar məni ittiham etməyi fürsət tapdılar. Hətta, sərsəm iddiaları o həddə çatdı ki, guya mən bununla 2015-ci il parlament seçkilərinə hazırlaşıram. Xalq arasında belələrinə haqlı olaraq deyirlər ki, ” Boyuna qamış ölçüm.”

 Mətləb Mütəllimli