Seyran Rəfiyev: “Cavid Cabbarlı vələdüzina olmadığını sübut edə bilmədi”

Azərbaycan Ziyalılar Birliyinin sədr müşaviri Seyran Rəfiyev Moderator.az-a açıqlamasında VİP sədrinin müavini Cavid Cabbarlının ünvanına sərt ittihamlar səsləndirib. Açıqlamada deyilir:

“Cavid Cabbarlı vələdüzina olmadığını sübut edə bilmədi Əksinə, VİP-in riyakarlığı  və şər-şəbədə mahiyyəti  tam şəkildə  üzə  çıxdı. Bu  yəqin ki,   elə belə  də  olmalıydı: başqasına  quyu  qazan,  son  nəticədə  özü  o  quyuya  düşməliydi!

Məlumat üçün  nəzərinizə  çatdırım ki, bir  neçə  gün  öncə özünü  VİP sədrinin  müavini  kimi qələmə  verən  Cavid  Cabbarlı  adlı birisi  KİV   səhifələrində  ard-arda  bir neçə  "yazıyla"  çıxış  etmişdi.  Yazıdan   çox,  danos  məzmunlu  bu cızma-qaralarında  o, Azərbaycan  Ziyalılar  Birlıyinin  sədri Eldəniz  Quliyevi  aldığı, daha dəqiqi ,almadığı  tərbiyəyə  uyğun  şəkildə  aşağılamağa  cəhd göstərmişdi. Bununla  yanaşı, israrla  bəyan  edirdi ki, guya   E.Quliyev  dəfələrlə  VİP sədri  Əli  Əliyevin  ayağına  barışıq  üçün   "sülh  elçiləri" göndərib...

Mən  AZB  sədrinin  müşaviri  kimi  bu  absurd  ittihamlara  cavab olaraq, öz  FB  profilimdə " LƏKƏ" adlı  kiçik  bir  status  yazdım  və    C.Cabbarlının  dediklərinin  başdan-ayağa  yalan,  qərəzli  olduğunu  vurğuladım. Sonda  oxuculardan  üzr istəyərək qeyd  etdim ki,  həmin "elçilərin"  adını  açıqlamayan  nakişi və  vələdüzinadır.  Bu  statusdan  ikicə  gün  keçməmiş  VİP  minnətçi  düşmüş  "elçilərin"  adını  açıqladı: Hacı  Rövşən  Əhmədli  və Xoşqədəm  Quliyev! VİP  funksionerləri, başda  Cavid  Cabbarlı olmaqla, Azərbaycanda  fəaliyyət  göstərən , demək olar  ki,  bütün saytları  "atəşə"  tutaraq   xəbəri  "müvəffəqiyyətlə" tirajladılar... Amma... Bəli, "əmmasız" keşinmək olmur, məlum  oldu  ki, VİP-in  gülməşəkər  rəhbərləri  öz  qaraçı  xislətlərinə  uyğun  olaraq,  bu  dəfə də  ictimaiyyətə  yalan  məlumatlar vermişlər!..  Yaxşı  deyiblər, yalanın ömrü  qırx  gün çəkər,- heç dörd  gün də çəkməyən müddətdə  həqiqət bəlli oldu.  Hacı Rövşən  Əhmədli də,  Xoşqədəm Cəbrayıloğlu  da  mətbuata VİPçılərin  yalan  niyyətlərini  faş  etdilər!  Vəssəlam!  Dairə  qapandı.  Yəni, yalan  və  böhtanı  özlərinə  peşə  seçib, günahsız  adamlara  camur  atan  siyasi  caqqallar  VƏLƏDÜZNA  və  NAKİŞİ  olmadıqlarını  sübut  edə  bilmədilər!

" İt  ağac  kölgəsində  yatar, elə  bilər öz  kölgəsidir!"  Bu  məsəli  isə, bir başa hörmətsiz  Cavid Cabbarlıya  ünvanlayıram! Ağıllı olun, bəylər,cənablar!  Ləyaqətinizi  yalana  qurban  verməyin!..   Dünyada  HƏQİQƏTdən  dəyərli heç nə   yoxdur!