Kazımlıdan Sarvana cavab: "Öz ambisiyasını reallaşdırmaq üçün məni hədəf seçib"

Şair Salam Sarvan öz “facebook” səhifəsindəxa0 jurnalist Xalid Kazımlıya ünvanladığı məktubunu dünən saytımızda yayımlamışdıq. Şair bildirmişdi ki, özünü müxalifətçi sayan jurnalist Xalid Kazımlının tutduğu iki evdə vətəndaş olaraq onun da payı var.xa0

Bu gün Moderator.az-ın əməkdaşı jurnalist Xalid Kazımlının məsələyə münasibətini öyrənib. Xalid Kazımlı bildirib ki, Salam Sarvan adətən depressiyaya düşəndə onun əleyhinə status yazır:

xa0

"Hər dəfə depressiyaya düşəndə götürüb belə bir şey yazır. Mən bu evi almaqdan imtina etsəm də, ona verməyəcəkdilər. Çünki şairdir, jurnalist deyil. 31 ildir çap olunuram. Toplamda 70 kitablıq yazılarım var. O da iki cüt, bir tək köşə yazıb. Sadəcə, çox istedadlı bir şair öz ambisiyasını reallaşdırmaq üçün məni hədəf seçib. Əgər, bu ona kömək edəcəksə, etirazım yoxdur. Davam eləsin”.xa0

Xalid Kazımlı iki evi olması məsələsinə də aydınlıq gətirib:

“İki ev məsələsinə gəlincə, mənim hazırda 1 evim var. O biri qısa müddətdən sonra başqasının olacaq və ondan gələcək pulu övladlarımın təhsilinə xərcləyəcəm. Hələ bir o qədər də lazım olacaq”.