Təhsil Problemləri İnstitutunda ikihakimiyyətlilik problemi...

İndi isə mötəbər mənbələrdən saytımıza bu mövzu ətrafında daha bir maraqlı məlumat daxil olub. Bildirilir ki, təyinatdan bir ay keçməsinə baxmayaraq nə institutun direktoru, keçmiş nazir müavini Qulu Novruzov, nə də Faiq Şahbazlı yerini isitmir və obrazlı desək, hər ikisi at üstə mat qalıblar. Yəni Qulu Novruzov anlayır ki, ona institut direktorluğunu da çox görürlər və öz xoşuyla bu postu yeni müavininə - Faiq Şahbazlıya verərək üzüsulu getməlidir. Bu azmış kimi Faiq Şahbazlı da bura məhz direktor postu üçün gəldiyini gizlətmir və hətta nazirliyi məsələyə tezliklə aydınlıq gətirməyə tələsdirir...xa0

Nazirlikdən saytımıza daxil olan başqa bir məlumatda isə deyilir ki, Misir Mərdanovun dönəmində nazirliyin aparat rəhbəri kimi xüsusi səlahiyyətlərə malik olan, qurumda bir sözü iki olmayan İlham Pirməmmədov da karyerasının qürub çağını yaşayır və nazirin müşaviri kimi fəaliyyətini davam etdirsə də onun daha bir yaxın adamı bu günlərdə nazirlikdəki görəvindən kənarlaşdırılıb. Həmin şəxsin kimliyi bizə bəlli olsa da nazirliyin rəsmi açıqlama verib - verməyəcəyini gözləyirik. Qurumdan xəbər çıxmasa, həmin şəxsin kimliyini açıqlamağa məcbur olacağıq...xa0