Gürcüstan XİN Lukaşenkonun Abxaziyaya səfəri ilə bağlı BƏYANAT yaydı 

Gürcüstan Xarici İşlər Nazirliyi (XİN) Belarus Prezidenti Aleksandr Lukaşenkonun Abxaziyaya səfəri ilə bağlı bəyanat yayıb.

Bizim.Media xəbər verir ki, bu barədə Gürcüstan XİN rəsmi saytında məlumat yayılıb.

Bəyanatda Lukaşenkonun Gürcüstanın Rusiya tərəfindən işğal olunmuş Abxaziya bölgəsinə gəlişindən və Suxumidə işğalçı rejiminin nümayəndələri ilə görüşündən dərin narahatlıq ifadə olunub.
 

MÖVZU İLƏ BAĞLI:

Gürcüstan Prezindentindən Lukaşenkonun Abxaziya səfərinə REAKSİYA - FOTO 

Qeyd olunub ki, Belarus Prezidentinin səfəri Gürcüstanın dövlət sərhədinin, beynəlxalq hüququn fundamental norma və prinsiplərinin kobud şəkildə pozulmasıdır və XİN bu səfəri pisləyir.

“Biz Belarus tərəfini suveren dövlətin beynəlxalq səviyyədə tanınmış sərhədləri daxilində ərazi bütövlüyünə hörmət etməyə və beynəlxalq hüququn fundamental prinsiplərinə zidd olan bu cür hərəkətlərə yol verməməyə çağırırıq”, - deyə bəyanatda bildirilib.

Bizim.Media