Ermənilərin Rusiyaya münasibəti niyə pisləşib?

Beynəlxalq “Gallup İnternational” təşkilatı Ermənistanda sorğu keçirib. Telefonla baş tutan sorğuda 1005 vətəndaş iştirak edib.

Bizim.Media xəbər verir ki, bu barədə informasiyanı Ermənistan mətbuatı yayıb.

“Rusiya Ukraynadakı hərbi əməliyyatlarında haqlıdırmı?” sualına avqustda 19,8%, apreldə isə 27% “Tamamilə haqlıdır” cavabını verib.

“Tamamilə ədalətsizdir” sualına avqustda 36,2%, apreldə isə 24,7% cavab verilib.

Avqustda respondentlərin 42,7%-i Rusiya-Ukrayna münaqişəsinin Ukraynanın məğlubiyyəti ilə bitəcəyini proqnozlaşdırıbsa, apreldə belə cavab verənlərin sayı daha çox olub - 53,5%. Respondentlərin yalnız 4,1%-i müharibənin Rusiyanın məğlubiyyəti ilə bitəcəyinə inanır.
“Qərb ölkələrinin Rusiyaya qarşı tətbiq etdiyi sanksiyalara münasibətiniz necədir?” sualına avqustda respondentlərin 9,5%-i,  apreldə isə 8,4%-i “müsbət” cavab verib.

Sorğuda iştirak edənlərin 43,7 faizi çoxlu sayda Rusiya vətəndaşının müharibə ilə əlaqədar Ermənistana köçməsinə müsbət yanaşıb və apreldə onların 47,8 faizi olub.

Bizim.Media