Analitiklər: Rusiya İrana S-400 zenit-raket kompleksləri verməyəcək

İran hava hücumundan müdafiə sistemini gücləndirmək məqsədilə Rusiya ilə danışıqları bərpa edib. Tehran, xüsusilə, S-400 zenit-raket kompleksləri əldə etməyə çalışır.

Bizim.Media The Telegraph-a istinadən xəbər verir ki, noyabrın 5-də İranın təhlükəsizlik xidmətinin rəhbəri Möhsün Rezainin Rusiyaya səfəri zamanı ABŞ-la mümkün müharibə şəraitində İranın müdafiə imkanları və hərbi-texniki əməkdaşlığın genişləndirilməsi müzakirə olunub.

Lakin Defense Express analitikləri Rusiyanın İrana S-400 sistemləri verməsini az ehtimallı hesab edirlər. Buna səbəb Rusiyanın Ukraynanın zərbələri fonunda öz hava hücumundan müdafiəsini gücləndirməyə ehtiyac duyması, həmçinin S-400 istehsalında çətinliklərlə üzləşməsidir.

Analitiklər bildirirlər ki, Ukrayna Müdafiə Qüvvələri Rusiya ərazisindəki S-400 komplekslərini də məhv edir. Bundan başqa, Rusiya bu sistemlərdən Ukraynaya ballistik zərbələr endirmək üçün də istifadə edir.

Bizim.Media