Türkiyəyə məxsus gəmi vuruldu - Yaralılar var - VİDEO

Türkiyədən Rusiyaya təzə meyvə-tərəvəz daşıyan Türkiyəyə məxsus "Ro-ro" tipli gəmiyə təşkil edilən dron hücumunda 4 heyət üzvü yaralanıb. Qara dənizdə Türkiyəyə məxsus gəmiyə dron hücumu reallaşdırılıb.

Bizim.Media Türkiyə KİV-nə istinadla xəbər verir ki, Türkiyədən Rusiyaya təzə meyvə-tərəvəz aparan "NADHEZNA" adlı "Ro-ro" gəmisinə edilən dron hücumundan sonra yanğın baş verib.
 

Hücum nəticəsində 3-ü türk olmaqla ümumilikdə 4 heyət üzvü yaralanıb. Gəminin Samsundan Rusiyanın Novorossiysk şəhərinə getmək üçün yola çıxdığı və Türkiyə vaxtı ilə saat 16:30 radələrində vurulduğu bildirilib.

Gəminin kapitanı Yalçın Şahin hücumun Ukrayna tərəfindən törədildiyini iddia edərək, əməliyyatda 6-7 ədəd dronun istifadə olunduğunu ifadə edib. Şahin kömək gözlədiklərini, hamının sağ olduğunu, yaralıların tapıldığını qeyd edib.

Hücumdan sonra başlayan yanğına gəmidəki heyət müdaxilə etdiyi halda, bölgədəki intensiv dron aktivliyi səbəbindən Rusiya Hərbi Dəniz Donanmasının yardım üçün gəmiyə yaxınlaşmaqda çətinlik çəkdiyi bildirilib.





Bizim.Media