Səhər saatlarından etibarən Türkiyənin İstanbul və bir sıra vilayətlərində yağan şiddətli yağış həyatı iflic edib.
Bizim.Media xəbər verir ki, bu barədə "Anadolu" agentliyi məlumat yayıb.
Bildirilib ki, şəhərin bəzi ərazilərində müşahidə edilən leysan vətəndaşlar üçün çətinliklər yaradıb.
Yağış suları həm piyadaların, həm də sürücülərin hərəkətini çətinləşdirib. Körpülərin altını su basıb.
İstanbul Böyükşəhər Bələdiyyəsinin yaydığı məlumata əsasən, leysanla mübarizə üçün Fəlakət Koordinasiya Mərkəzinin rəhbərliyi altında 5 638 nəfərlik şəxsi heyət və 2 074 texnika ərazidə fəaliyyətini davam etdirir. Aparılan ölçmələrə əsasən, ən çox yağıntı İstanbulda, Şile rayonunun Darlık kəndində qeydə alınıb.
Bizim.Media
