MDB müşahidəçiləri: Reaksiya yoxlamaq üçün məntəqəyə qəsdən qayda pozuntusu ilə daxil olduq

Ermənistanın Mərkəzi Seçki Komissiyası (MSK) və məntəqə seçki komissiyaları parlament seçkilərində fəaliyyət göstərən heyəti yüksək səviyyədə hazırlayıb.

Bizim.Media xəbər verir ki, bu barədə Rusiya kütləvi informasiya vasitələrinə Müstəqil Dövlətlər Birliyinin (MDB) iştirakçı dövlətlərinin Parlamentlərarası Assambleyası Şurası katibliyinin rəhbəri Dmitri Kobitski məlumat verib.

O, seçki komissiyalarının işini müsbət qiymətləndirib:

"Biz yalnız MSK-nın və müvafiq olaraq məntəqə seçki komissiyalarının işini qiymətləndirə bilərik. Mənə elə gəlir ki, onların hamısı məntəqələrdə çalışan heyəti çox yaxşı hazırlayıblar. Çünki biz məntəqəyə daxil olarkən komissiya üzvlərinin necə reaksiya verəcəyini yoxlamaq üçün bilərəkdən qayda pozuntusuna yol verdik. Bizə dərhal xəbərdarlıq edildi və biz də bunu nəzərə aldıq. Lakin bu, tamamilə şüurlu şəkildə atılmış addım idi, çünki onların qaydaları bilib-bilmədikləri bizə maraqlı idi".

Bizim.Media