Lənkəranda gəlinin döyülməsi ilə bağlı Dövlət Komitəsindən AÇIQLAMA 

Ailə, Qadın və Uşaq Problemləri üzrə Dövlət Komitəsi Lənkəran rayonunun Yuxarı Nüvədi kəndində qadının gəlinini döyməsi iddiası ilə bağlı yayılan videogörüntülərə münasibət bildirib.

Dövlət Komitəsinin İnformasiya və analitik araşdırmalar şöbəsinin müdiri, hüquq üzrə fəlsəfə doktoru Elgün Səfərov Bizim.Media-ya bildirib ki, videogörüntülərdə qadının fiziki zorakılığa məruz qalması faktı ilə bağlı yerli icra hakimiyyəti nəzdində fəaliyyət göstərən Gender zorakılığına qarşı mübarizə komissiyası və hüquq-mühafizə orqanları ilə birlikdə araşdırmalara başlanılıb.
 

MÖVZU İLƏ BAĞLI:

Lənkəranda qaynana gəlinini döydü - VİDEO 

Onun sözlərinə görə ailə artıq nəzarətə götürülüb:

"Müvafiq olaraq, yerli icra hakimiyyəti nəzdində Gender zorakılığına qarşı mübarizə komissiyası vasitəsilə həmin ailəyə ziyarət təşkil edilir və Daxili İşlər Nazirliyi tərəfindən izahatlar alınacaq. Xəsarətlərin qiymətləndirilməsi aparılacaq və komissiya tərəfindən yekun qərar veriləcək"

Qeyd edək ki, Daxili İşlər Nazirliyi sosial şəbəkələrdə yayılan görüntülərdən xəbərdar olduqları barədə açıqlama verib. 

Bizim.Media