Jirinovskinin varisi: “Azərbaycan fəxr etdiyimiz ölkədir”

“Azərbaycan bizim fəxr etdiyimiz ölkədir. Azərbaycan uzun illərdir mənim qəlbimdə yaşayır”.

Bizim.Media xəbər verir ki, bunu Azərbaycanın Rusiyadakı Səfirliyində 28 May - Müstəqillik Günü münasibətilə keçirilən mərasimə qatılan Rusiya Liberal Demokrat Partiyasının yeni seçilmiş lideri Leonid Slutski jurnalistlərə açıqlamasında bildirib.

Slutski qeyd edib ki, bu gün Azərbaycan çiçəklənən iqtisadiyyata malikdir: 

“Bu gün Azərbaycan elə bir ölkədir ki, ora getməkdən doymursan, yenə getmək istəyirsən. Prezident İlham Əliyev öz ölkəsi üçün heyrətamiz uğurlar əldə edib. O, Azərbaycanı enerji asılılığı olmayan ölkəyə çevirib.
İlham Əliyev həlli mümkün olmayan vəzifələrin öhdəsindən gəlib. Azərbaycanın Birinci vitse-prezidenti Mehriban Əliyevanın rəhbərliyi, onun rəhbərlik etdiyi Heydər Əliyev Fondunun koordinasiyası ilə ölkə hüdudlarından kənarda böyük əhəmiyyətə malik layihələr həyata keçirilib. Mən bizə yaxın olan Azərbaycan xalqını Müstəqillik Günü bayramı münasibətilə təbrik edirəm”.

Bizim.Media