BMT: Ekstremal istilər hamilə qadınlar üçün təhlükəni artırır – FOTO

Ekstremal istilər hamilə qadınlar və yeni doğulan körpələr üçün getdikcə daha böyük risk yaradır.

Bizim.Media xəbər verir ki, BMT-nin iqlim məsələləri üzrə rəhbəri Saymon Stiell bunu Ficidə keçirilən “pre-COP” sammitində bildirib.

Stiell qeyd edib ki, beş qitədə 1000 mama və həkim arasında aparılan sorğuda respondentlərin üçdə ikisindən çoxu son beş ildə güclü istilərin yaratdığı fəsadlarla qarşılaşdıqlarını deyib.

Təxminən üçdə biri isə aşağı doğum çəkisi, inkişafın məhdudlaşması, qidalanma çətinlikləri və susuzlaşma hallarını ekstremal istilərlə əlaqələndirib.

BMT rəsmisi bildirib ki, iqlim dəyişikliklərinin yaratdığı yüksək temperatur hamiləlik zamanı vaxtından əvvəl doğuş, ölü doğuş, aşağı doğum çəkisi və ana sağlamlığı ilə bağlı daha çox əlaqələndirilir.

Alimlərin məlumatına görə, iqlim dəyişiklikləri ekstremal hava hadisələrini gücləndirir və temperatur rekordlarının daha tez-tez yenilənməsinə səbəb olur.