Pezeşkian Xameneiyə şərt qoydu – “Yerinə yetirilməsə, istefa verəcəm”

İran Prezidenti Məsud Pezeşkian ABŞ ilə Tehran arasında danışıqlara qarşı çıxan Ali Rəhbər Müctəba Xameneini istefa edəcəyi ilə razı salıb.

Bizim.Media xəbər verir ki, bu barədə "The New York Times" qəzeti rəsmi mənbələrə istinadla məlumat yayıb.

Pezeşkian Ali Rəhbərlə görüşündə, ABŞ-nin dəniz blokadası və iqtisadi təzyiqləri səbəbindən ölkənin çökmə həddində olduğunu bildirib.

İran Mərkəzi Bankının rəhbəri də Ali liderə xəbərdarlıq məktubu göndərərək, blokadanın davam edəcəyi təqdirdə bir neçə həftə ərzində ölkədə kəskin ərzaq və tibbi ləvazimat qıtlığının yaranacağını vurğulayıb.

Bu təzyiqlərdən və Pezeşkianın istefa hədəsindən sonra Müctəba Xamenei danışıqlara icazə verib. Lakin o, ABŞ ilə hər hansı razılaşmaya prinsipcə qarşı olduğunu və son sözü Ali Milli Təhlükəsizlik Şurasının deyəcəyini qeyd edib.

Bizim.Media