“Şurnuxda Azərbaycan bayraqları gözümüzü deşir” - İCMA RƏHBƏRİ

“Azərbaycanlılar 12 evi geri qaytarmağı tələb edir. Hazırda danışıqlar davam edir. Ancaq proses GPS sistemi ilə tənzimlənsə, kəndin yarısı azərbaycanlılara veriləcək”.

Bizim.Media xəbər verir ki, bu fikirləri bu barədə Şurnux kəndinin başçısı Hakob Arşakyan məlumat verib. O, “News.am” saytına bildirib ki, Azərbaycan əsgərləri Şurnux kəndinin yarısını tələb edirlər:

MÖVZU İLƏ BAĞLI:

Paşinyan: “Sərhədlərimizdən 1 millimetr də geri çəkilməmişik”

“Adamlarımız burada qalmaqdan qorxurlar, Azərbaycan bayraqları gözümüzü deşir. Belə getsə, xain Nikol Şurnuxu da təhvil verəcək”.  

Erməni saytlarının yaydığı məlumata görə, Azərbaycan əsgərləri Şurnux kəndində olan ev sahiblərinə evlərini tərk etmək üçün bir saat vaxt veriblər. Əks halda, onlara əsir düşəcəkləri barədə xəbərdarlıq ediblər.

Vüsalə Balayeva, Bizim.Media