Anar Quliyev: Azərbaycan üçün WUF13-ün təşkili böyük şərəf və məsuliyyətdir

Bu Forum sadəcə bir konfrans deyil. Biz bu platformada şəhərsalma siyasətlərindən danışır, tərəfdaşlıqları gücləndirir və yeni şəhər gündəliyini və inkişaf hədəflərini icra edirik.

Bizim.Media xəbər verir ki, bu sözləri BMT-nin Ümumdünya Şəhərsalma Forumunun 13-cü Sessiyasının (WUF13) milli koordinatoru, Dövlət Şəhərsalma və Arxitektura Komitəsinin sədri Anar Quliyev WUF13-də Liderlərin Bəyanatları zamanı deyib.

Onun sözlərinə görə, biz elə bir zamandayıq ki, dünya ictimaiyyəti üçün şəhərlər artıq iqlim dəyişikliyinin mərkəzində durur.

Ona görə də WUF13 çox əhəmiyyətlidir.
 

Builki forumun önəminə toxunan Anar Quliyev bildirib ki, WUF13-də Azərbaycan Respublikasının təşəbbüsü ilə ilk dəfə liderlərin, dövlət və hökumət rəhbərlərinin iclası təşkil edilib.

Azərbaycan üçün WUF13-ün təşkil edilməsi böyük şərəf və məsuliyyətdir. Bu, dayanıqlı şəhərsalmaya, rekonstruksiyalara və şəhər icmalarına yenidən can verilməsi üçün önəmlidir. Bunu həm dialoq, həm də tərəfdaşlıqla həyata keçiririk.

Bizim.Media