- A-
- A
- A+
Rusiyanın Azərbaycana investisiyalarının həcmi AÇIQLANDI
Rusiyanın Azərbaycana investisiyalarının ümumi həcmi 6,3 milyard dollar təşkil edib. Bu məbləğin 5 milyard dolları neft, 1,3 milyard dolları qeyri-neft sektoruna qoyulub.
Bizim.Media-nın məlumatına görə, bunu iqtisadiyyat nazirinin müavini Niyazi Səfərov Bakıda "Azərbaycan-Udmurtiya" biznes forumu zamanı deyib.
"Rusiya iqtisadiyyatına Azərbaycanın qoyduğu investisiyalar isə 1,2 milyard dolları üstələyib və bu investisiyalar əsasən qeyri-neft sektoruna qoyulub. 2021-ci ildə ikitərəfli ticarət dövriyyəsi üç milyard dollar təşkil edib.
MÖVZU İLƏ BAĞLI:
Azərbaycana 8 layihə çərçivəsində 34 milyon avro YATIRIM
Bunun 2,1 milyard dolları idxalın, 920 milyon dolları ixracın payına düşüb. Ötən il Azərbaycanın ümumi ticarət dövriyyəsində Rusiyanın payı 9 faiz təşkil edib", - deyə nazir müavini bildirib.
O qeyd edib ki, 2021-ci ildə Azərbaycanın ticarət dövriyyəsi 2020-ci illə müqayisədə 12 faiz artıb. Eyni zamanda, 14 Rusiya şirkəti Qarabağda bərpa işlərində iştirak etmək üçün müraciət edib.
Bizim.Media
Mətndə səhv varsa, onu qeyd edib ctrl + enter düyməsini basaraq bizə göndərin.
