Qazaxıstanda qırıcı təyyarə qəzaya uğradı

Qazaxıstanın Karaqanda vilayətində planlı təlim-məşq uçuşu zamanı Su-30SM qırıcı təyyarəsi qəzaya uğrayıb.

Bizim.Media xəbər verir ki, bu barədə ölkənin Müdafiə Nazirliyi məlumat yayıb.

Rəsmi açıqlamaya görə, hadisə fevralın 25-də baş verib. Təyyarənin heyəti vaxtında katapult edərək xilas olub.
 

“Cari ilin 25 fevral tarixində Karaqanda vilayətində planlı təlim-məşq uçuşları zamanı Su-30SM qırıcısı qəzaya uğrayıb. Təyyarənin heyəti vaxtında katapult edib. Pilotlar sağdır, onların həyat və sağlamlığına təhlükə yoxdur. Onlar tibbi mütəxəssislərin nəzarəti altındadır”, – deyə nazirliyin məlumatında bildirilir.

Müdafiə Nazirliyi əlavə edib ki, qəza baş verən ərazi mühafizəyə götürülüb, əhali və infrastruktur obyektləri üçün təhlükə yoxdur.

Hadisənin səbəblərini araşdırmaq üçün xüsusi komissiya yaradılıb.

Bizim.Media