Qurban Qurbanov: "Heç nədən buraxılan qol bizə mane oldu" - VİDEO

"Məğlubiyyətə baxmayaraq, mən futbolçularımı təbrik edirəm. Qarşımıza qoyulan minimum vəzifəni yerinə yetirdik. Bu gün qalib gəlməyi çox istəyirdik. Futbolçulara tapşırıq verilmişdi ki, heç bir halda geri çəkilməməliyik”.

Bizim.Media xəbər verir ki, bu fikirləri "Qarabağ"ın baş məşqçisi Qurban Qurbanov İsveçrədə " UEFA Konfrans Liqasının qrup mərhələsinin VI tur matçından sonra mətbuat konfransında səsləndirib.

Onun sözlərinə görə, xeyli sayda qol epizodlarının bəzilərindən istifadə etmək lazım idi, amma həyəcan, heç nədən buraxılan qol bizə mane oldu.

“Futbolçularım bütün matçlarda eyni istək, eyni dinamika ilə oynadılar. Bu gün  rəqibimizi də təbrik edirəm. Onlar istəklərinə çatdılar. Oyunçularımın hər birini qucaqlayır, onlara gələcək görüşlərdə uğurlar arzu edirəm", deyə o, qeyd edib.

Xatırladaq ki, "Qarabağ" klubu dünən gecə “Bazel"ə 0:3 hesabı ilə məğlub olaraq pley-offa yüksəlib. 

Bizim.Media