Rusiya ilə Qərb arasında Soyuq Müharibədən sonra ən böyük MƏHBUS MÜBADİLƏSİ - FOTO/VİDEO

Rusiya ilə Qərb arasında Soyuq Müharibədən bəri ən böyük məhbus mübadiləsi aparılıb.

Bizim.Media xəbər verir ki, bu barədə “BBC” məlumat yayıb. 

Mübadilə prosesi Ankarada baş tutub.

Məlumata görə, ABŞ Prezidenti Co Baydenin administrasiyası Rusiya ilə razılığa gəlib. Belə ki, Rusiyada həbs edilən üç amerikalının azadlığa buraxılması gözlənilir. Onlar “Wall Street Journal” qəzetinin müxbiri İvan Gerşkoviç, dəniz donanması veteranı Paul Velan və "Rusiya-Amerika" radiosunun jurnalisti Alsu Kurmaşevadır. 

ABŞ Dövlət Departamenti mətbuat katibi Vedant Patel heç bir əsaslandırma üzərində spekulyasiya etmək istəmədiyini bildirib. 

"Deyə biləcəyim odur ki, Birləşmiş Ştatlar qanunsuz həbs edilmiş Amerika vətəndaşlarını evlərinə qaytarmaq üçün gecə-gündüz işləməyə davam edir. Bundan başqa heç bir yenilik yoxdur." – o, deyib. 

Qeyd edək ki, Velan və Gerşkoviç Rusiyada casusluq ittihamları ilə həbs edilib. Digər məhbus Amerika və Rusiyada ikili vətəndaşlığı olan Kurmaşeva isə 2023-cü ilin iyununda Rusiya ordusu haqqında yalan məlumat yaymaqda ittiham edilərək saxlanılıb.