Türkiyədə bu gün bir sıra qadağalar TƏTBİQ OLUNACAQ

Bu gün Türkiyədə keçiriləcək yerli özünüidarə orqanlarına (bələdiyyə) seçkilərlə əlaqədar ölkə ərazisində bir sıra qadağalar tətbiq olunacaq.

Bizim.Media ölkə mətbuatına istinadən xəbər verir ki, saat 06:00-dan 00:00-dək ölkənin hər yerində səbəbindən asılı olmayaraq spirtli içkilərin satışı və istifadəsi qadağan edilib.

Gün ərzində internet-kafe, çay evləri kimi əsasən kişilərin sıx toplandığı yerlər fəaliyyət göstərməyəcək, əyləncə müəssisələrində isə sadəcə yemək veriləcək.

Həmçinin ölkənin bütün media qurumlarına da müəyyən qadağalar tətbiq ediləcək. Belə ki, saat 18.00-dək seçki və onun nəticələri ilə bağlı hansısa xəbər və şərh verilməsi qadağan edilib. Media saat 18.00-dan 21.00-dək yalnız Türkiyə Yüksək Seçki Komissiyasının (YSK) seçki ilə bağlı verəcəyi xəbər və bildirişləri yayımlaya biləcək. 

Bizim.Media