Leonid Slutski: “Heydər Əliyevin vəsiyyəti bu gün yerinə yetirilib”

“Dostum və qardaşım İlham Heydər oğlu Əliyevi Azərbaycanın indi iqtisadiyyatda əldə etdiyi nailiyyətləri, o cümlədən Qarabağa – Şuşa və başqa yaşayış məntəqələrinə qayıdışdan sonra qazanılan uğurlar münasibətilə təbrik etmək istəyirəm. Müasir Azərbaycanın banisi, dahi Heydər Əliyevin vəsiyyəti bu gün yerinə yetirilib”.

Bizim.Media xəbər verir ki, bu barədə jurnalistlərə Rusiya prezidentliyinə namizəd, Dövlət Dumasının beynəlxalq məsələlər Komitəsinin sədri Leonid Slutski bildirib.

“İnanıram ki, tezliklə Ermənistanla sülh sazişi imzalanacaq. Azərbaycan bu gün postsovet məkanında ən çiçəklənən ölkələrdən və iqtisadiyyatlardan biridir. 

Rusiya ilə Azərbaycan arasında münasibətlər yüksələn xətlə inkişaf edir. Ölkələrimiz arasında ikitərəfli münasibətlərin daha da sürətlə və səmərəli şəkildə inkişaf edəcəyinə əminəm”, - deyə o qeyd edib.

Bizim.Media