Əli Mirəliyev səhhətindən DANIŞDI: “Ağrılarım azalıb” – ÖZƏL 

Xəbər verdiyimiz kimi, müğənni Əli Mirəliyevin səhhətində problem yarandığı üçün özəl klinikaların birinə yerləşdirilib. 

Sənətkarın hazırkı vəziyyətini xəbər almaq üçün Bizim.Media-nın əməkdaşı müğənni ilə əlaqə saxlayıb. 

Ə.Mirəliyev bildirib ki, özünü ötən günlərə nisbətən daha yaxşı hiss edir: 

“Şükürlər olsun ki, özümü bu gün daha yaxşı hiss edirəm. Mədəmdə, daha doğrusu kör bağırsağımda problem yaranmışdı. Bu, yediyim balıqla bağlı idi. Belə ki, bilməmişəm, balığı təmizlənməmiş qabıqları ilə yemişəm. Bir neçə gündən sonra mədəmdə dəhşətli sancılar yarandı. Kör bağırsağım “probkalanmışdı”.
Əvvəlcə həkimlər əməliyyat olunacağımı dedilər, sonra isə dərman verdilər, içdim, özümə gəldim. Ağrılarım azalıb. Ola bilsin ki, bu axşam həkimlər məni xəstəxanadan evə buraxsınlar”. 

Rəşad Əliyev, Bizim.Media