Xalq artistinin oğlu meyxanaçı Samirənin qızına ELÇİ DÜŞDÜ – VİDEO 

Meyxanaçı Samirə Yusifqızı qızı Fərəhi gəlin köçürməyə hazırlaşır. 

Bizim.Media xəbər verir ki, bu haqda sənətçi qızı ilə qonaq olduğu “Tarixin bir günü” verilişində məlumat verib. 

Samirə bildirib ki, adını açıqlamaq istəmədiyi, lakin Xalq artisti fəxri adı daşıyan şəxsin oğlu onun övladına elçi düşüb. Fərəh isə həmin Xalq artistinin qadın sənətçi olduğunu vurğulayıb: 

“O məni xəbərim olmadan sosial şəbəkədə izləyirmiş. O, mənə “Instagram”da yazdı ki, sizi çox bəyənirəm və fikrim ciddidir. Sizinlə ailə qurmaq və valideynlərimi sizə elçi göndərmək istəyirəm. Onun anası Xalq artistidir. Amma mən ailə qurmağı düşünmürəm. Bizim görüşümüz olmayıb. O, böyük jestlər edir. Mənə hədiyyələr və güllər göndərir”. 

Meyxanaçı gələcək kürəkəni barəsində “O, ali savadlı bəydir. Maliyyə sahəsində çalışır. Öz ailəsini saxlayacaq qədər gücü var” sözlərini söyləyib.