Bakı-Şamaxı-Yevlax yolunu su basdı, yüzlərlə avtomobil yolda qaldı - FOTO/VİDEO

Hazırda oxunan: Bakı-Şamaxı-Yevlax yolunu su basdı, yüzlərlə avtomobil yolda qaldı - FOTO/VİDEO

152473

Xəbərləri Google-da birbaşa bizim.media-dan alın Google-da bizim.media-ya abunə ol Google axtarışında bizim.media-nı seçilmiş mənbə kimi əlavə edin Abunə ol

Bu gün İsmayıllı rayonuna yağan güclü leysan yağışından sonra dağlardan gələn sel suları Göyçay rayonunda fəsadlara səbəb olub.

Bizim.Media-nın Aran bürosu xəbər verir ki, bu gün saat 17:30 radələrində Göyçayın Qaraməryəm kəndini sel basıb, evlər, obyektlər su altında qalıb.

Dağlıq ərazidə yerləşən Qaraməryəm kəndi ərazisindəki xırda balıqçılıq göllərinin daşması nəticəsində sel suları Bakı-Şamaxı-Yevlax yolunu bağlayıb.

Magistral yolda nəqliyyatın hərəkəti yarım saatdan çox dayanıb. Yüzlərlə avtomobil yolda qalıb. Bir neçə avtomobil yoldakı qalın lil qatında batıb, sel sularının təsiri nəticəsində 3 avtomobilə ziyan dəyib.
Hazırda yolun lildən təmizlənməsi və nəqliyyatın hərəkətinin təmin olunması üçün işlər görülür.

Bizim.Media, Aran bürosu