“Xankəndindəki etirazlara Naxçıvanda aksiya ilə cavab verək” – Fazil Mustafa 

“Ermənilərin Xankəndində keçirdiyi aksiyalara adekvat cavab verməliyik”.

Bizim.Media xəbər verir ki, bunu deputat Fazil Mustafa Milli Məclisin bu gün keçirilən iclasında çıxışı zamanı bildirib. 

“Qarabağda Xankəndidə ermənilərin keçirdiyi aksiyalarla bağlı bir təklifim var. Təklif edirəm ki, ermənilərə adekvat şəkildə cavab verək.

Niyə biz Naxçıvanda biz kütləvi aksiyalar keçirib dünyaya çatdırmayaq? Əgər onlar Xankəndi yolunun bağlanması ilə bağlı etiraz edirlərsə, biz də illərdir Naxçıvan yolunun bağlanması ilə bağlı aksiyalar keçirib dünya ictimaiyyətinə çatdıra bilərik. Hesab edirəm ki, aidiyyəti qurumlar bununla bağlı lazımi addımları atacaqlar” – deyə, deputat bildirib. 

Murad Əhmədov, Bizim.Media