77 saylı avtobusda biabırçı əməl: Dispetçer və sürücü içkili olub? - VİDEO

Bakıda 77 nömrəli xətt avtobusunda sərnişinlərlə sürücü arasında mübahisə düşüb.

Bizim.Media xəbər verir ki, bununla bağlı videogörüntü sosial şəbəkədə yayımlanıb.

Yaranmış vəziyyətdən şikayətçi olan sərnişin qeyd edib ki, havanın yağıntılı olmasına baxmayaraq, kafelərdən birinin qarşısında dayanan 77 saylı xətt avtobusunda 45 dəqiqə sürücü olmayıb.
 

"45 dəqiqə sonra sürücü ilə birlikdə gələn dispetçer içkili olduğundan avtobusun gecikməsinə etiraz edən sərnişinlərlə mübahisə etməyə başlayıb. Dayanacaqların birində dispetçer mübahisə edən sərnişinlərin biri ilə avtobusdan düşüb əlbəyaxa dava etməyə cəhd göstərsə də, onları ayırıblar. Bu zaman sürücü də avtobusdan düşüb, həmin o etiraz edən sərnişinlə mübahisə etməyə başlayıb", - deyə şikayətçi qeyd edib.

Bizim.Media