Bredli sevgilisi Ciciyə qonşu olmaq üçün 6,5 milyon dollar XƏRCLƏDİ - FOTO

Hollivud aktyoru Bredli Kuper eşq yaşadığı supermodel Cici Hadidə daha yaxın olmaq üçün gözlənilməz addım atıb.

Bizim.Media "Daily Mail" nəşrinə istinadən xəbər verir ki, aktyor Cici ilə xoşbəxt həyat səhifəsini açmaq üçün onun vətəni "New Hope" şəhəri yaxınlığında Pensilvaniyada villa alıb.

Həmin ərazidə Cicinin anasının ferması da var.

Nəşr yazır ki, sövdələşmə hələ dekabr ayında baş tutub. Bredli əmlak üçün 6 milyon yarım dollar (təxminən 11 milyon manat) ödəyib. 13 hektar ərazidə tikilən malikanənin daş anbarı, hovuzu, bağçası və hətta kiçik gölü də var.

Bununla yanaşı, malikanənin qonaq otağı və idman zalı, altı vanna otağı və yeddi yataq otağı var. Bu isə Bredlinin xəyal etdiyi böyük ailə üçün mükəmməl seçimdir.
Yeri gəlmişkən, malikanə 18-ci əsrin əvvəllərində tikilib və sakinlər onun tarixi cazibəsini qoruyub saxlamağa çalışıblar. Fotoları diqqətlə incəllədikdə döşəmələrin fransız palıdından, tavanların isə hələ də taxta tirlərinin olduğu görsənir.

Bredlinin evi hansı məqsədlə aldığını, hətta dedi-qodu etməyi sevən insayderlər hələ ki, açıqlamayıb. Şayiələrə görə Bredli və Cici cütlüyü orada yaşamağı düşünür.

Qeyd edək ki, Cicinin 2021-ci ildə ayrıldığı keçmiş sevgilisi Zeyn Malikdən Hai adlı bir qızı var.

Onların son ayrılmasına səbəb Zeynin Cicinin anası ilə mübahisəsi olub.