2026-cı il FİFA Dünya Kuboku çox fərqli başladı. Tarixdə ilk dəfə olaraq, üç ölkədə keçirilən çempionatın açılış matçı da unikal idi. Meksika ev sahibi kimi mübarizəyə ilk qatıldığı üçün açılış A Qrupu oyunu onların doğma meydançasında, tarixi adını xüsusi olaraq Dünya Kuboku üçün geri qaytaran Mexiko şəhərindəki əfsanəvi Estadio Azteca stadionunda oynanıldı.
Açılış mərasiminin Meksika hissəsi ölkənin dünya şöhrətli aktrisası, Hollivud ulduzu Selma Hayekin çıxışı ilə başladı, ardınca pop müğənnilərinin mahnıları oxundu və daha sonra futbol başladı.
Meksika uzun müddətdir ki, Dünya Kubokunun pley-off mərhələsində müntəzəm iştirak etsə də (Qətərdə keçirilən 2022-ci il Dünya Kuboku uğursuz istisna idi), Cənubi Afrika final turnirində üç dəfə, hətta evdə keçirilən 2010-cu il Dünya Kubokunda belə, pley-off mərhələsinə yüksələ bilməyib.
Matçın 9-cu dəqiqəsində qol vuruldu. Xulian Kinones qolu adına yazdıra bildi. Fasilədən sonra ev sahibləri daha da həvəsləndilər və 67-ci dəqiqədə Roberto Alvarado mövqe hücumu zamanı sağ cinahdan topu ötürdü və cərimə meydançasına qaçan Raul Ximenez topu başla qapıya göndərdi!
Matçın 50-ci dəqiqəsində Cənubi Afrika oyunçusu Spephelo Stole qırmızı vərəqə ilə “siftə” etdi.
84-cü dəqiqədə isə təcrübəli Cənubi Afrika hücumçusu Temba Zvane komandasının meksikalı müdafiəçiyə anlaşılmaz şəkildə yumruq vurdu.
Braziliyalı hakim meydanda bunu görmədi, lakin kənar hakimlərlə məsləhətləşdikdən sonra birbaşa qırmızı vərəqə qərarı verdi. Beş dəqiqə sonra Sezar Montesə qayda pozuntusuna görə qırmızı vərəqə verərək yeni bir rekord qırdı. Matç 2:0 Meksika millisinin xeyrinə bitdi.
Şəfiqə Şəfa, Bizim.Media
