Hindistanlı şahmatçı Bakıdan bu görüntüləri paylaşdı - VİDEO

Azərbaycanın mərhum şahmatçısı, Avropa çempionu, beynəlxalq qrossmeyster Vüqar Həşimovun xatirəsinə həsr olunan sayca 7-ci beynəlxalq turnirin iştirakçıları sırasında yer alan Vişvanatan Anand Bakıdan paylaşım alıb.

Bizim.Media xəbər verir ki, hindistanlı sabiq dünya çempionu gecə paytaxtın mənzərəsini çəkərək sosial şəbəkə hesablarında paylaşıb.

“Gecə səmaya qarşı gözəl bir görüntü. Daha yaxşı mənzərə üçün ekranı yaxınlaşdırın”, - deyə o paylaşımında yazıb.

Qeyd edək ki, 7-ci dəfə keçiriləcək beynəlxalq şahmat turnirində Vişvanatan Ananddan başqa, Şəhriyar Məmmədyarov, Rauf Məmmədov, Vüqar Əsədli (hər üçü Azərbaycan), David Navara (Çexiya), Fabiano Karuana (ABŞ), Sergey Karyakin (Rusiya) və Rixard Rapport (Macarıstan) mübarizə aparacaq.

Bizim.Media