- A-
- A
- A+
Мероприятие
17:16 / 19.09.2014
1 dəq oxunma
Bu gün qəfil geomaqnit qasırğası baş verib
Hazırda oxunan: Bu gün qəfil geomaqnit qasırğası baş verib
55747
Xəbərləri Google-da birbaşa bizim.media-dan alın
Google-da bizim.media-ya abunə ol
Google axtarışında bizim.media-nı seçilmiş mənbə kimi əlavə edin
Abunə ol
Geomaqnit həyəcanlanmasının gün ərzində fasilələrlə davam edəcəyi gözlənilir
Bu gün qəfil geomaqnit qasırğası baş verib.
Bu barədə APA-ya Azərbaycan Milli Elmlər Akademiyasının (AMEA) N. Tusi adına Şamaxı Astrofizika Rəsədxanasının elmi işlər üzrə direktor müavini Elçin Babayev bildirib.
Onun sözlərinə görə, nəticədə əsas indekslərdən biri olan Kp-nin qiyməti 5-ə qalxıb (maksimum qiymət 9-a bərabərdir): “Bundan əvvəlki günlərdə aparılan monitorinq “kosmik hava”nın nisbətən sakit olmasını göstərirdisə, 19 sentyabr tarixində səhər saat 7-10 arası G1 kateqoriyalı geomaqnit qasırğası generasiya olunub”.
E. Babayev deyib ki, qasırğaya səbəb Planetlərarası Maqnit Sahəsinin (PMS) qəfil fluktuasiyaları olub: “Planetlərarası Maqnit Sahəsi cənub istiqamətini göstərib, bununla da yüklü zərrəciklərin Yerin maqnitosferinə asan daxil olmasına əlverişli fiziki şərait yaradıb. Günəş küləyi isə “oda yağ qatıb”.
Geomaqnit həyəcanlanmasının gün ərzində fasilələrlə davam edəcəyi gözlənilir. Şimal en dairəsində yerləşən ölkələrin sakinləri artıq gözəl təbiət hadisəsi olan Qütb Şəfəqini müşahidə ediblər.
Hazırda Günəş səthində 75 ləkə müşahidə olunsa da, onlar nisbətən passivdir. Günəş diskində isə yüksək sürətli plazma küləyinin və həyəcanlanmanın mənbələrindən olan tac dəlikləri müşahidə olunmur.
© Materiallardan istifadə edərkən hiperlinklə istinad olunmalıdır.
Mətndə səhv varsa, onu qeyd edib ctrl + enter düyməsini basaraq bizə göndərin.
Mətndə səhv varsa, onu qeyd edib ctrl + enter düyməsini basaraq bizə göndərin.
Xəbərləri tətbiqdə oxuyun
Bizim.media tətbiqini yükləyin, son xəbərlər bildirişlə telefonunuzda olsun.
