"Nida" vətəndaş hərəkatının həbs olunmuş üzvlərinin bu gün saat 10.30-a təyin olunmuş məhkəməsi artıq başlayıb.
Əməkdaşlarımızın Ağır Cinayətlərə dair Məhkəmənin önündən verdikləri xəbərə görə, aprelin 22-də olduğu kimi, yenə də məhkəmənin nü qələbəlikdir, müttəhimlərin çoxsaylı qohumları, dostları məhkəməni izləmək istəyirlər. Salona məhdud sayda adam buraxılıb.
Xəbər verilir ki, polislər jurnalistlərin də məhkəmə prosesini müşahidə etməsinə əngəl törədiblər.
Əməkdaşlarımızın verdiyi son xəbərə görə, məhkəmə təxirə salınıb və sabah saat 10.30-da davam etdiriləcək.
Xatırladaq ki, "Nida" təşkilatının üzvləri "Molotov kokteyli" vasitəsilə dövlət çevriliş etmək cəhdində günahlandırılırlar.
