Moderator.az xəbər verir ki, sentyabrın 19-da Milli Məclisin İqtisadi Siyasət Kmitəsinin iclası keçirilib. İclasda ilk olaraq komitənin 2014-cü ilin yaz sessiyası ərzində gördüyü işlər barədə hesabat dinlənilib və payız sessiyası üçün nəzərdə tutulmuş qanunvericilik işləri planı barədə məlumat verilib. Komitə sədri Ziyad Səmədzadə komitənin ötən mövsümdəki aktiv fəaliyyətindən danışıb və bildirib ki, komitə tərəfindən 51 məsələyə baxılıb. 2014-cü ilin payız sessiyasında isə əsasən “Reklam haqqında” və digər qanunlara əlavə və dəyişikliklər edilməsi nəzərdə tutulur. Bundan başqa, 2015-ci ilin dövlət büdcəsi haqqında qanun layihəsinin müzakirələri də komitənin payız sessiyası üçün nəzərdə tutulmuş işləri sırasındadır. Sonra gündəlikdə duran məsələlərin müzakirəsinə başlanıldı. “Azərbaycan hökuməti ilə Səudiyyə Ərəbistanı Krallığı və Vyetnam hökumətləri arasında gəlirlərə və əmlaka görə vergilərə münasibətdə ikiqat vergitutmanın aradan qaldırılması və vergidən yayınmanın qarşısının alınması haqqında” Konvensiyanın və onun protokolunun təsdiq edilməsi barədə” qanun layihəsi haqqında danışan Z.Səmədzadə dedi ki, Azərbaycan 45-dən çox ölkə ilə belə bir saziş imzalayıb. Məqsəd vergi sisteminin daha da təkmilləşdirilməsi və ölkə iqtisadiyyatının inkişafında yeni imkanların yaradılmasıdır. Sözügedən qanun layihəsi ilə bərabər, gündəlikdə olan Azərbaycan ilə Mərakeş Krallığı və Uruqvar Şərq Respublikası hökumətləri arasında gömrük işi sahəsində əməkdaşlıq və qarşılıqlı yardım haqqında sazişin təsdiq olunması barədə qanun layihəsi də plenar iclasa tövsiyə olundu.
Iclasın gündəliyində duran “Dövlət rüsumu
haqqında”, “Sosial sığorta haqqında”, “Banklar haqqında”, “Azərbaycan
Respublikası Mərkəzi Bankı haqqında”, “Qrant haqqında”, “Poçt haqqında”,
“Turizm haqqında”, Gömrük və İnzibati Xətalar Məcəlləsində dəyişikliklər edilməsi
barədə qanun layihələrində isə bir sıra texniki və redaktə xarakterli düzəlişlər
nəzərdə tutulub. İclasda “Qiymətli kağızlar bazarında investorların hüquqlarının
müdafiəsi haqqında”, “Hidrotexniki qurğuların təhlükəsizliyi haqqında”,
“Sahibkarlıq fəaliyyəti haqqında”, “İstehlakçıların hüquqlarının müdafiəsi
haqqında, Vergi Məcəlləsində, “Sığorta fəaliyyəti haqqında”, “Bank olmayana
kredit təşkilatları haqqında”, “İnvestisiya fondları haqqında”, “Ölçmələrin vəhdətinin
təmin edilməsi haqqında”, “Qiymətli metallar və qiymətli daşlar haqqında”,
“Standartlaşdırma haqqında”, “Texniki təhlükəsizlik haqqında”, “Valyuta tənzimi
haqqında” və “Reklam haqqında” qanunlara edilən dəyişikliklər barədə qanun
layihələrinə də baxıldı. Qeyd olundu ki, həmin qanunlara edilən düzəlişlərin əsas
mahiyyəti “Sahibkarlıq sahəsində aparılan yoxlamaların tənzimlənməsi və
sahibkarların maraqlarının müdafiəsi haqqında” qanunun tələbləriylə bağlıdır. Həmin
qanuna görə, Ədliyyə Nazirliyində qeydiyyatdan keçməyən heç bir idarə tərəfindən
sahibkarların fəaliyyəti yoxlanıla bilməz. Müzakirəyə çıxarılan “Beynəlxalq
hava daşımalarının bəzi qaydalarının unifikasiyası üçün Konvensiya”nın təsdiq
edilməsi haqqında qanun layihəsinə görə bu Konvensiya şəxslərin, baqajın və
yükün hava gəmisi vasitəsilə ödəniş müqabilində həyata keçirilən hər bir beynəlxalq
daşımasına tətbiq edilir. Konvensiya həmçinin avianəqliyyat müəssisəsi tərəfindən
hava gəmisi vasitəsilə həyata keçirilənpulsuz daşımalara da tətbiq edilir.
İclasda “Azərbaycan Hökuməti ilə İtaliya Hökuməti arasında dəniz nəqliyyatı
haqqında” Sazişin təsdiq edilməsi barədə qanun layihəsinə də baxıldı. Qeyd
olundu ki, bu sənəd Azərbaycan və İtaliya respublikaları arasında beynəlxalq gəmiçiliyin
şərtlərini tənzimləyir. Qanun layihələrinin hər biri Milli Məclisin plenar
iclasına tövsiyə olundu.
