Özbəkistan prezidenti İslam Kərimovun böyük qızı Gülnarə Kərimovanın villası özbəklər tərəfindən zəbt edilib.
Avropa.info xarici mətbuata istinadən xəbər verir ki, özbəkistanlı hüquq müdafiəçiləri Cenevrədə G. Kərimovaya məxsus villanı zəbt ediblər. Bu ideyanın müəllifi 52 yaşlı özbək miqrantı, siyasi qaçqın Safar Bekjonov olub. Bu şəxsə İsveçrədə qeydiyyatdan keçən “Özbəkistanın demokratik cəmiyyəti”nin daha dörd nümayəndəsi qoşulub. S. Bakjanov bu addımın atılmasının səbəbini açıqlayaraq deyib ki, məqsəd ictimaiyyəti xalqın puluna tikilən bu evə, eyni zamanda Özbəkistan prezidentinin qızlarının çirkli puillarını bu ölkədə necə “yumasına” diqqəti cəlb etməkdir. S. Bakjonov deyib ki, İsveçrənin hüquq-mühafizə orqanları evdə axtarış aparsa da, G. Kərimova istintaq araşdırmasına gəlməyib. S. Bakjonov eyni zamanda prezident qızını məhkəmə istintaqında iştirak etmək üçün Cenevrəyə dəvət edib.
