Qondarma ittihamlarla həbs edilən jurnalist və hüquq müdafiəçisi Pərviz Həşimli MTN təcridxanasında saxlanma şəraitindən narazı qaldığını bildirib. Bu barədə onun vəkili Elçin Sadıqov məlumat verib. Moderator.az-a açıqlamasında vəkil bildirib ki, Ailəsi ilə görüşünə icazə verilmir, məktub və telefonla ünsiyyət yaratmağa da imkan verilmir, qəzetlər də ona çatdırılmır.
Məsələ ilə bağlı MTN və Ombudsmanla əlaqə saxlamaq istəsək də mümkün olmadı. Çoxsaylı cəhdlərimizə baxmayaraq MTN-nin İctimai Əlaqələr Mərkəzi və Ombudsman aparatının ictimai əlaqələr sektordan telefonların dəstəyini qaldıran olmadı.
