Qənirə Paşayeva İmranı ziyarət etdi

Millət vəkili Qənirə Paşayeva Nabranda baş verən dəhşətli hadisədə ayaqlarını itirən azyaşlı İmran Cəfərzadəni ziyarət edib, onun səhhəti ilə maraqlanıb. Moderator.az xəbər verir ki, bu barədə məlumatı millət vəkili facebook hesabında qeyd edib.

“Bu gün səhər Nabranda baş verən hadisədə ayağını itirən iki yaşlı İmran Cəfərzadəyə baş çəkdik. Anası, atası, Mərkəzi Klinik Xəstəxananın rəhbərliyi, həkimlər xeyli söhbət etdik. İmranın xaricdə bütün müalicə xərclərini üzərinə götürən dəyərli insanlara təşəkkür edirik. İmranın ailəsi üçün böyük bir dəstək oldu və ailəyə bu xeyirxahlığı göstərənlərdən Allah razı olsun. İnşallah İmran yüksək səviyyədə müalicə və əməliyyatları keçirib yaşıdları ilə oynayacaq ,sonra da anasının arzuladığı kimi hamı kimi məktəbə gedəcək. İmranın vəziyyəti müsbətə doğru gedir və inşallah Allahın və xeyirxah insanların, həkimlərin yardımı ilə daha da yaxşı olacaq”.