Ermənistann müdafiə naziri Azərbaycan hərbçilərini şəhid edən erməni qatillərini şəxsən mükafatlandırıb.
Ermənistan tərəfinin bu addımı düşmən dövlətin Qarabağ problemini sülh yolu ilə həll etməkdə maraqlı olmadığının, danışıqlar prosesində formalı olaraq iştirak etdiyinin rəsmi təsdiqi hesab edilə bilərmi?
Moderator.az-a açıqlama verən politoloq Zərdüşt Əlizadə hesab edir ki, Ermənistanın hərbi təxribatları Bakı və İrəvan arasında əldə edilən razılaşmaların icrasını mümkünsüz edir:
“Ermənistanın cəza dəstələri yaratması o deməkdir ki, əvvəlki praktiya qayıdırlar. Bildiyiniz kimi, bir neçə ay bundan öncə Azərbaycan və Ermənistan rəhbərliyi arasıdn gərginliyin azaldılması, atəşkəsin pozulması hallarının qarşısının alınması ilə bağlı müzakirələr olmuşdu. Cəmiyyətlərin sülhə hazırlanması da müzakirə mövzusu idi. Indi isə “cəza dəstələri” yaradılır. Bu isə o deməkdir ki, Sərkisyan dönəmindəki vəziyyət bərqərar olacaq. Azərbaycan və Ermənistan rəhbərliyi arasındakı danışıqlar zamanı əldə edilən razılaşmalar isə icra olunmayacaq”.
xa0
Seymur ƏLİYEV
