Sabiq MTN generalı Akif Çovdarovun həbsindən bu günə qədər bir çox dövlət məmurunun Akif Çovdarov-Eldar Mahmudov ikiliyinə milyonlarla manat pul verdiyi ilə bağlı ölkə mediasında saysız-hesabsız informasiyalar yer almaqdadır.
Maraqlıdır, sabiq MTN rəhbərliyinə
milyonlarla manat məbləğində pul verdiyi iddia olunan dövlət məmurlarının bu
pulu hansı yolla əldə etdiyi araşdırılmalıdırmı? Axı heç kimə sirr deyil ki, nəinki
Azərbaycdan, dünyanın heç bir ölkəsində ən yüksək vəzifələrdə təmsil
olunan məmurlar belə qanuni fəaliyət əsasında
milyonlarla manat vəsaitə sahib ola bilməz.
Məsələ ilə bağlı
Moderator.az-a açıqlama verən tanınmış hüquqşünas Müzəffər Baxışov bu məsələnin
araşdırılmasının zəruri olduğunu bildirib:
“Təbii ki, normal dövlətlərdə
bu məsələlər araşdırılmalıdır. Belə iddialara istintaq tərəfindən aydınlıq gətirilməlidir.
“MTN işi”x9d ilə bağlı rəsmi informasiyada göstərilirdi ki, MTN-nin İqtisadi Cinayətkarlığa
qarşı Mübarizə Baş İdarəsinin əməkdaşları tərəfindən Rabitə Nazirliyinin rəhbərliyindəki
şəxslərdən konkret məbləğdə pul alınırdı. Istintaq bu pulun mənbəyini müəyyən
etməlidir. Rabitə Nazirliyinin rəhbərliyi evində pul kəsmir ki... Kiməsə pul
vermək üçün öncə bu pulu qazanmaq lazımdır. Istintaq araşdırmalıdır ki, bu
pullar hansı yolla qazanılıb. Aydındır ki, burada külli miqdarda əmlakın mənimsənilməsindən
söhbət gedir. Bu pullar Rabitə Nazirliyinin rəhbərliyi tərəfindən mənimsənilib,
daha sonra isə MTN rəhbərliyinə verilib. Odur ki, normal dövlətlərdə həmin
pulun mənbəyi, onu əldə edən şəxslərin əməllərində cinayət tərkibinin
olub-olmadığı araşdırılır və lazımi əsas olanda həmin şəxslər məsuliyyətə cəlb
edilir. Azərbaycanda isə güc orqanları siyasiləşdiyi üçün bu məsələlər hüquq çərçivəsində
deyil, siyasi qərarlar əsasında həll edilir”x9d.
Seymur Əliyev
