ABŞ Ukraynaya "Patriot" hava hücumundan müdafiə sistemləri göndərəcək...

 

 

ABŞ administrasiyası Ukraynaya "Patriot" zenit-raket kompleksləri göndərəcək.

 

Moderator.az xəbər verir ki, bu barədə CNN telekanalı məlumat yayıb.

 

Bu barədə artıq bu həftə rəsmən elan edilə bilər. Qeyd edilir ki, Ağ evin qərarına Rusiyanın Ukraynaya raket atəşləri təsir edib.

 

Pentaqonun planını onun rəhbəri Lloyd Ostin təsdiq etməlidir, bundan sonra sənəd imzalanması üçün prezident Co Baydenə göndəriləcək. Telekanalın həmsöhbətlərinin sözlərinə görə, qərarın hazırlanması bitəndən sonra "Patriot"lar dərhal gəmilərlə Almaniyaya göndəriləcək, orada ukraynalı hərbçilərə bu sistemlərlə işləmək üzrə təlim keçiriləcək.

 

Kiyevin nə qədər HHM sistemi alması hələlik aydın deyil, lakin onlar "səmanı bağlamağa" imkan verməklə yanaşı, Şərqi Avropada NATO üzvü ölkələrinin hava məkanının təhlükəsizliyini təmin edəcək, CNN məlumat verib.

 

"Patriot" uzaq mənzilli HHM sistemidir. Bu komplekslər hava məkanını ballistik və qanadlı raketlərdən, həmçinin bəzi təyyarələrdən qorumağa imkan verir. Bu sistemləri Kiyev ABŞ-dan Ukrayna şəhərlərinin mühafizəsini təmin etmək üçün uzun aylar xahiş edib.

 

Ukraynaya universal HHM vasitılərinin tədarük edilməsinin mümkünlüyü barədə noyabrın sonunda NATO-nun baş katibi Yens Stoltenberq bəyan edib. Buna dərhal Rusiyanın sabiq prezidenti və baş naziri Dmitri Medvedev münasibət bildirib.

 

"Əgər Stoltenberqin ehyam vurduğu kimi, NATO Kiyev fanatlarına "Patriot" komplekslərini tədarük edərsə, onlar dərhal bizim Silahlı Qüvvələrimiz üçün qanuni hədəflərə çevriləcək", - o, Telegram-kanalında yazıb. - Ümid edirəm ki, Atlantika impotentləri bunu anlayır".