Rusiyalı modeli sevgilisi qətlə yetirdi - Türkiyədə TUTULDU - FOTO

Təxminən iki ay əvvəl model və “Missis Rusiya – Kainat” müsabiqəsinin iştirakçısı Natalya ilə bağlı qətldə şübhəli bilinən şəxs Türkiyədə saxlanılıb.

Bizim.Media xəbər verir ki, SHOT-un məlumatına görə, saxlanılan şəxs 44 yaşlı biznesmen, mərhumun birlikdə yaşadığı Pavel K. olub. 39 yaşlı Natalya ilə mübahisə və qətldən dərhal sonra o, Vnukovo hava limanından Türkiyəyə uçub, oradan isə başqa ölkəyə gedib.

Onun marşrutunu Rusiya polisi ilə türkiyəli həmkarlarının əməkdaşlığı nəticəsində müəyyənləşdirmək mümkün olub. Hazırda biznesmen həbsdə saxlanılır.

Xatırladaq ki, Natalya iyulun 18-də iti ilə gəzintiyə çıxdığı zaman itkin düşmüşdü. Həmin gün qadın birlikdə yaşadığı şəxslə mübahisə etdikdən sonra onunla əlaqə kəsilib.

Mərhumun cəsədi çantada gizlədilmişdi. Modelin ev heyvanı onun cəsədinin tapılmasına kömək edib.