Polşa ölkənin şimal-şərqində Rusiyanın Kalininqrad vilayəti ilə sərhədə yaxın yerləşən 16-cı mexanikləşdirilmiş diviziya ilə birlikdə HIMARS raket sistemlərini yerləşdirəcək.
Bu barədə Polşanın milli müdafiə naziri Mariuş Blaşçak bildirib.
"Artıq bu il Amerikadan gətirilən 16-cı mexanikləşdirilmiş "HIMARS" batareyası xidmətə başlayacaq",- deyən Blaşçak əlavə edib ki, bu sistem 2019-cu ildə sifariş edilib.
Onun sözlərinə görə, Polşa ordusunun Ukraynadakı döyüşlərdə özünü sübut etmiş silahlara malik olması vacibdir.
Xatırladaq ki, fevral ayında Polşa Müdafiə Nazirliyinin rəhbəri ABŞ-dan 500-dən çox HIMARS raket sistemləri alacağını bildirib.
