Azərbaycanda hansı avtomobillər daha çox satılır?

Azərbaycanda avtomobil bazarında ən çox satılan və alıcıların üstünlük verdiyi markalar sırasında “Toyota”, “Çanqan”, BYD, “Şevrolet”, “Hunday” və “Kia” ilk sıralarda yer alır.

Bizim.Media xəbər verir ki, bunu “bakupost.az”a Azərbaycan Avtomobil Dilerləri Assosiasiyasının İdarə Heyətinin sədri Eyyub Əliyev bildirib.

Onun sözlərinə görə, bu markalara marağın yüksək olmasının müxtəlif səbəbləri var:

“İlk sıralarda "Toyota”, “Çanqan”, BYD, “Şevrolet”, “Hunday” və “Kia” yer alır. “Toyota” yapon keyfiyyəti və etibarlılığı ilə seçilir. “Hunday” və “Kia” isə uzun illərdir Azərbaycan bazarında möhkəmlənib. Bu markaların servis xidməti genişdir, ehtiyat hissələrini tapmaq asandır və ustalar onları yaxşı tanıyırlar. “Şevrolet” markası isə illərdir bazarda olduğu üçün onu da ustalar yaxşı tanıyır. BYD və “Çanqan”a isə əsasən qiymət amilinə görə üstünlük verilir”.

E.Əliyev qeyd edib ki, ümumilikdə alıcıların seçimində əsas rol oynayan amillər qiymət, keyfiyyət, avtomobilin dözümlülüyü, ehtiyat hissələrinin əlçatanlığı və servis xidmətlərinin geniş olmasıdır.

Bu amillər səbəbindən sözügedən markalar son dövrdə həm satışda, həm də ölkəyə idxal olunan avtomobillər arasında lider mövqelərini qoruyurlar.

Bizim.Media