ABŞ 38 il sonra İrana qarşı bu silahdan istifadə etdi

“Müasir dövrdə ABŞ hərbi gəmisinin digər bir gəmini göyərtə topu ilə vurması olduqca nadir hadisə sayılır. “Arli Börk” sinfinə aid idarəolunan raket esminesi USS Spruance aprelin 19-da İranın “Touska” (Toska) adlı yük gəmisinə 5 düymlük MK 45 topundan atəş açaraq, son təxminən 40 ilə yaxın müddətdə ilk belə hadisəni reallaşdırıb”.

Bizim.Media xəbər verir ki, bu barədə “The War Zone” nəşrində dərc olunan məqalədə bildirilib.

Məlumata görə, bundan əvvəl oxşar insident demək olar ki, düz 38 il əvvəl – eyni bölgədə və eyni tərəfə qarşı baş verib.

“İzlədiyimiz məlumatlara əsasən, ABŞ Hərbi Dəniz Qüvvələrinə məxsus gəminin başqa bir gəmini göyərtə topu ilə vurduğu son təsdiqlənmiş hadisə 18 aprel 1988-ci ildə baş verib”, – deyə ABŞ Hərbi Dəniz Qüvvələrinin rəsmisi bildirib. Söhbət Fars körfəzi sularında ABŞ və İran donanmaları arasında baş verən qarşıdurmadan gedir.

Həmin vaxt “Belknap” sinfinə aid idarəolunan raket kreyseri USS Wainwright, “Knox” sinfinə aid esmines müşayiət gəmisi USS Bagley və “Oliver Hazard Perry” sinfinə aid idarəolunan raket freqatı USS Simpson İranın “Karman” sinfinə məxsus sürətli hücum gəmisi IRIS Joshan üzərinə atəş açıb.

ABŞ tərəfi gəmi əleyhinə raketlərdən əlavə, “Wainwright” və “Bagley” gəmilərindən 5 düymlük göyərtə topları ilə, “Simpson”dan isə 3 düymlük top vasitəsilə hücumu davam etdirib. Bu gəmilər həmin dövrdə “Səth Döyüş Qrupu – Çarli” (Surface Action Group Charlie) adlanan birliyin tərkibində olub.

Qeyd edək ki, “Praying Mantis” əməliyyatı 1987-ci ildə İran-İraq müharibəsinin son mərhələsində tərəflərin Fars körfəzi sularında ticarət gəmilərinə hücumları artırmasından sonra başlayıb.

Bizim.Media