Merts: “İrana qarşı müharibə nəzarətdən çıxır”

Almaniya kansleri Fridrix Merts ABŞ və İsrailin İranla bağlı hərbi əməliyyatlarının təhlükəli mərhələyə keçdiyini bildirib.

Bizim.Media xəbər verir ki, bu barədə o, Berlində keçirdiyi mətbuat konfransında danışıb.

Məlumatı France 24 yayıb.

Merts qeyd edib ki, hazırda münaqişənin dayandırılması üçün ortaq və aydın planın olmaması ciddi narahatlıq doğurur.

“İrana qarşı müharibədə təhlükəli eskalasiya baş verir və görünür ki, bu müharibəni tez bir zamanda dayandırmaq üçün ortaq plan yoxdur”, — deyə Almaniya kansleri bildirib.

Onun sözlərinə görə, Almaniya və Avropa münaqişənin uzanmasında maraqlı deyil.

“Biz sonsuz müharibədə maraqlı deyilik. Biz ərazi bütövlüyünün pozulmasında maraqlı deyilik”, — deyə Merts əlavə edib.

Kanslerin sözlərinə görə, hazırkı vəziyyət beynəlxalq təhlükəsizlik üçün ciddi risk yaradır və münaqişənin tezliklə diplomatik yollarla həll olunması vacibdir.

Bizim.Media