KİV: Tramp məğlub olsa, ölkədə iğtişaşlar olacaq

Amerika hakimiyyəti Respublikaçılar Partiyasından prezidentliyə namizəd Donald Trampın seçkilərdə məğlub olacağı təqdirdə iğtişaşların olacağını ehtimal edir.

Bizim.Media xəbər verir ki, bu barədə “Washington Post” məlumat yayıb.

Bildirilib ki, rəsmilər ən çox nəzarətdən çıxa biləcək yerli insidentlərdən narahatdırlar. Miçiqan Dövlət Katibi Jocelyn Benson nəşrə deyib:

"Ştatımızda və digər ştatlarda kiçik yanğınlar potensialı var" .
 

Qeyd edək ki, bu gün Amerika Birləşmiş Ştatlarında prezident seçkiləri keçirilir. Prezidentliyə namizədlər Donald Tramp və Kamala Harrisdir.

Erkən seçimlərə oktyabr 26-dan start verilib. Ölkə üzrə artıq 78 milyondan çox seçici erkən səsvermədə iştirak edərək səslərini verib. Onlardan 55 faizi bunu seçki məntəqəsinə gedərək edib, 45 faizi isə səslərini poçt vasitəsilə göndərib. Səs verənlərdən 41 faizi Demokratlar Partiyasını, 39 faizi Respublikaçılar Partiyasını dəstəkləyənlər, yerdə qalan 20 faizi isə digər siyasi görüşlərə malik insanlardır.

Bizim.Media