Xaricilər Çinə investisiyaları kəskin şəkildə azaldıblar

Yanvar-fevral aylarında Çinə xarici investisiya axını 2023-cü ilin eyni dövrü ilə müqayisədə 19,9% azalaraq 215,1 milyard yuan (təxminən 30 milyard dollar) təşkil edib.  

Bizim.Media xəbər verir ki, bu barədə Çin Xalq Respublikasının Ticarət Nazirliyi məlumat yayıb. 

Sərmayəçilər bütün sektorlarda - texnologiyadan təhsilə qədər mövcud olan yerli tənzimləyicilərin repressiyalarından qorxublar. Elə keçən il amerikalı iş adamları Çinin “investisiya olunmaz” bir ölkəyə çevrildiyini söylədilər.  

2023-cü ildə Çinə birbaşa xarici investisiyalar illik müqayisədə 8% azalıb. 

Martın 19-da Çin Nazirlər Kabineti xarici sərmayənin azalması ilə mübarizə üçün yeni addımlar atılacağını açıqlayıb. Bunlara bazara çıxışın genişləndirilməsi və bəzi qaydaların yumşaldılması daxildir. 

Bizim.Media