Silvio Berluskoni yenidən xəstəxanaya yerləşdirildi

“İrəli, İtaliya” partiyasının lideri, keçmiş baş nazir Silvio Berluskoni yenidən xəstəxanadadır.

Bizim.Media xəbər verir ki, bu haqda məlumatı “la Repubblica” nəşri yayıb.

Siyasətçi çərşənbə axşamı “San Raffaele” Milan klinikasında nəzarət müayinəsindən keçib.

Bundan sonra həkimlər onu daha da müşahidə etmək üçün tibb müəssisəsində saxlamaq qərarına gəliblər.

Nəşr əlavə edib ki, xəstəxanaya o, helikopterlə gəlib.

Qeyd olunduğu kimi, 84 yaşlı Berluskoni Pasxa tətilini qızının yanında keçirəcək.

Berluskoni keçən il COVID-19 xəstəliyindən əziyyət çəkib. Koronavirusa yoluxması 2 sentyabrda məlum olub. Tezliklə ikitərəfli sətəlcəm əlamətləri ilə “San Raffaele” xəstəxanasına aparılıb. 

Keçmiş baş nazir on gün klinikada qalıb, sonra evə buraxılıb.

Bizim.Media